Urdu News Pakistan

حکومت سندھ کو 90 دن ميں بلدياتي انتخابات کرانے کا حکم

admin — Fri, 18 May 2012 06:01:43 +0000

سندھ ہائي کورٹ نے حکومت سندھ کو 90دن ميں بلدياتي انتخابات کرانے کا حکم دے ديا.اس حوالے سے دو سال قبل دائر سابق ناظم سکھر ناصر حسين شاہ کي درخواست پر ہائي کورٹ نے فيصلہ ديا.بينچ جسٹس فيصل عرب اور جسٹس نديم احمد پر مشتمل بينچ پر مشتمل تھا جس نے اپنے فيصلے ميں کہا کہ حکومت آئين اور قوانين کے تحت بلدياتي انتخابات کرنے کي پابند ہے.

ميمو کميشن کے اجلاس ميں فرانزک معائنے کي رپورٹ پيش

admin — Fri, 18 May 2012 06:00:04 +0000

ميموکميشن کا اجلاس جسٹس فائزعيسي کي زيرصدارت اسلام آباد ميں جاري ہے جہاں عدالتي ہرکارے نے حسين حقاني اورا نکے وکيل زاہدبخاري کے نام پکارے ليکن وہ دونوں حاضر نہيں تھے. منصور اعجاز کے وکيل اکرم شيخ نے کہاکہ زاہدبخاري ميڈيا گفتگو ميں کہہ چکے ہيں کہ وہ اب کميشن کے سامنے پيش نہيں ہوں گے،کميشن نے کہاکہ انکے نہ آنے سے متعلق درخواست نہيں ملي ہے. اس کے بعد کميشن نے اپنے سيکريٹري راجا جوادعباس کا بيان ريکارڈ کيا جس ميں انہوں نے بتاياکہ بليک بيري کے فرانزک معائنے کيلئے منصوراورحقاني کو نوٹسز بھيجے تھے، منصور اعجاز نے فرانزک معائنے کيلئے دو بليک بيري فون اور ايک ليپ ٹاپ ديئے،پھر 8 کمپنيوں ميں سے ايک کو منتخب کرکے اسکے دو ماہرين سے فرانزک معائنہ کراياگيا، يہمعائنہ 8 گھنٹوں ميں ہوا، سيکريٹري نے ماہرين کي رپورٹس کو بيان حلفي کے ساتھ کميشن کو جمع بھي کرايا. کميشن ميں بيرسٹرظفراللہ نے ايک درخواست بھي پيش کي، اس ميں کہاگياتھاکہ تمام شواہد اکھٹا ہوچکے ہيں، کميشن اب صرف اپني رپورٹ مکمل کرے اور سپريم کورٹ کو بھجوائے.

باجوڑ: امن رضاکاروں پر فائرنگ،ايک شخص جاں بحق

admin — Fri, 18 May 2012 05:58:54 +0000

اجوڑايجنسي ميں امن کميٹي کے رضاکاروں پر نامعلوم افراد کي فائرنگ سے ايک رضاکار جاں بحق اور 2 شديد زخمي ہوگئے،سيکيورٹي ذرائع کے مطابق باجوڑايجنسي کي تحصيل ماموند ميں امن کميٹي کے رضاکار معمول کے گشت پر تھے کہ کہ نامعلوم افراد نے ان پر اندھا دھند گولياں چلاديں، فائرنگ کي زد ميں آکر امن کميٹي کا ايک رضاکار موقع پر جاں بحق جبکہ دو شديد زخمي ہوگئے، زخميوں کو ايجنسي ہيڈکوارٹر اسپتال خار منتقل کرديا گيا ہے، واقعے کے بعد فورسز نے علاقے کو گھيرے ميں ليکر سرچ آپريشن شروع کرديا.

صدر زرداري نيٹو کانفرنس ميں شرکت کيلئے شکاگو روانہ

admin — Fri, 18 May 2012 05:57:31 +0000

اسلام آباد… صدر آصف علي زرداري ، شکاگو ميں ہونے والي نيٹو سربراہ کانفرنس ميں شرکت کيلئے روانہ ہوگئے ہيں. ترجمان دفترخارجہ کے مطابق صدرزرداري 20 اور 21 مئي کو ہونے والي شکاگو ميں نيٹو سربراہ کانفرنس ميں شرکت کريں گے، انہيں اس کي دعوت نيٹو کے سيکرٹري جنرل نے دي تھي، صدر مملکت کے ہمراہ وزيرخارجہ اور سيکرٹري خارجہ بھي اس دورے پر گئے ہيں ، دورہ شکاگو ميں صدر زرداري نيٹو کي ايساف توسيع کانفرنس ميں بھي شريک ہوں گے جبکہ ان کي وہاں مختلف عالمي سربراہان سے ملاقاتيں بھي ہوں گي.

فيس بک کے حصص کي فروخت آج سے شروع ہوگي

admin — Fri, 18 May 2012 05:55:34 +0000

سماجي رابطے کي ويب سائٹ فيس بک کے حصص کي فروخت آج نيويارک ميں شروع ہورہي ہے . فيس بک کي انتظاميہ کا کہنا ہے کہ کمپني کے في شيئر کي قيمت اڑتيس ڈالر مقرر کي گئي ہے. شيئر کي اس قيمت پر فروخت سے کمپني کي ماليت ايک سو چار ارب ڈالرہوجائے گي. رواں ہفتے کے شروع ميں فيس بک نے طے شدہ تعداد سے پچيس فيصد زيادہ حصص فروخت کرنے کا اعلان کيا تھااور شيئرز کي خريد و فروخت آج سے نيويارک ميں شروع ہو جائے گي.

امريکا:افغان جنگ جاري رکھنے کي حمايت ميں قرارداد منظور

admin — Fri, 18 May 2012 05:53:35 +0000

امريکي کانگريس ميں افغان جنگ جاري رکھنے کي حمايت ميں قرارداد اکثريت سے منظور کرلي گئي. کانگريس ميں قرارداد کے حق ميں تين سو تين جب کہ مخالفت ميں ايک سو تيرہ ووٹ آئے.اراکين نے افغانستان ميں جاري آپريشن روکنے اور صرف امريکي فوج کے انخلا کيلئے فنڈز محدود کرنے کي تجويز مسترد کردي.قرارداد کي حمايت کرنيوالے ارکان کا کہنا تھا کہ اگر امريکا نے افغانستان سے نکلنے ميں جلدي کي تو طالبان اورالقاعدہ دوبارہ منظم ہونگے جس سے امريکي شہريوں کي زندگي کيلئے خطرات بڑھ جائيں گے.

نيٹو سپلائي کي بندش سے امريکا کو کوئي فرق نہيں پڑا، حسين حقاني

admin — Fri, 18 May 2012 05:51:40 +0000

امريکا ميں پاکستان کے سابق سفير حسين حقاني نے کہاہے کہ پاکستان کو سمجھنا ہوگا کہ نيٹو سپلائي کي بندش سے امريکا کو کوئي فرق نہيں پڑا اور يہ فيصلہ کرنا ہوگا کہ اسے صوماليہ بننا ہے يا بہترملک.وہ امريکي ٹي وي کوانٹرويو دے رہے تھے.حکومت کي جانب سے نيٹو سپلائي بند کيے جانے کے فيصلے پرامريکا ميں پاکستان کے سابق سفير حسين حقاني نے کہا کہ پاک امريکہ تعلقات ميں پاکستان کو بھي عملي سوچ کا مظاہرہ کرنا ہوگا.تاہم کہاکہ صدر زرداري نے تعاون کا ہاتھ بڑھايا ہے، اميد ہينيٹو سپلائي کا معاملہ حل ہو جائے. شکاگوکانفرنس کے بارے ميں حسين حقاني نے کہاکہ پاکستان نہيں چاہتاکہ افغانستان مستقبل کاميکسيکوبن جائے،انہوں نے کہاکہ پاکستان کو دہشت گردوں کے ٹھکانے پر حملہ اپنے مفاد ميں کرنا ہوگا اور يہ طے کرنا ہوگا کہ اسے صوماليہ بننا ہے کہ ايک بہتر ملک، تاہم سلالہ واقعہ پر امريکا کي جانب سے معافي نہ مانگنے سے گريزپر ان کاکہناتھاکہ بات درست نہيں. ميموکميشن کے سامنا کرنيوالے حسين حقاني نے يہ بھي کہا کہ انکي زندگي کو پاکستان ميں خطرہ ہے ،انکے خلاف نفرت انگيز پرواپيگنڈہ کيا جارہاہے اسليے وہ فوري طورپرپاکستان نہيں جاسکتے.

اوباما اور صدر زرداري کي باضابطہ ملاقات کا امکان نہيں،وائٹ ہاوس

admin — Fri, 18 May 2012 05:50:47 +0000

وائٹ ہاو?س نے کہا ہے کہ امريکي صدر بارک اوباما اور صدر زرداري کے درميان شکاگو سربراہ اجلاس کے موقع پر کسي باضابطہ ملاقات کا امکان نہيں.وائٹ ہاو?س کے نيشنل سيکورٹي ايڈوائزر کا کہنا تھا کہ صدر بارک اوباما اور افغان صدر حامد کرزئي کے درميان اتوار کوملاقات ہوگي.وائٹ ہاو?س نے مزيد بتايا کہ کہ امريکي صدر کي افغان ہم منصب سے ملاقات نيٹو سربراہ اجلاس سے قبل ہوگي.تاہم وائٹ ہاو?س کے ترجمان کا کہنا تھا کہ شکاگو ميں نيٹو سربراہ اجلاس کے موقع پر صدر زرداري اور صدر اوباما کے درميان عليحدہ سے کسي ملاقات کا امکان نہيں.

امريکي کانگريس ميں پاکستان کي امداد روکنے کا بل مسترد

admin — Fri, 18 May 2012 05:49:51 +0000

واشنگٹن… امريکي کانگريس نے پاکستاني امداد روکنے سے متعلق بل مسترد کرديا ہے جبکہ کوليشن سپورٹ فنڈکونيٹوسپلائي سے مشروط کرنيکاترميمي بل منظورکر ليا ہے. کانگريس ميں پاکستان کو دي جانے والي امداد پر رائے شماري کے دوران بل کي مخالفت ميں 335 جبکہ حمايت ميں 84 ووٹ آئے. پاکستان کو دي جانے والي امداد روکنے کے متعلق ترميمي بل امريکي سينيٹر ڈانا روہرا بيکر نے پيش کيا تھا بل ميں پاکستان کو دي جانے والي فوجي اور سويلين امداد کو مکمل طور پر روکنے کي تجويز دي گئي تھي.اس کے بعد امريکي کانگريس نے اتحادي سپورٹ فنڈزکي فراہمي کونيٹو سپلائي سے مشروط کرديا . بل کے حق ميں 412 اور مخالفت ميں ايک ووٹ آيا

معافی نہیں زر تلافی پر زور . . . طلوع … ارشاد احمد عارف

admin — Thu, 17 May 2012 19:56:32 +0000

اس سادگی پہ کون نہ مر جائے اے خدا۔ صدر آصف علی زرداری ، وزیراعظم گیلانی، وزیرخارجہ حنا ربانی کھر اور سروسز چیفس کو اب پتہ چلاہے چھ سات ماہ بعد کہ نیٹو 48 ممالک کا مجموعہ ہے جس میں ترکی سمیت ہمارے کئی دوست ممالک شامل ہیں تبھی عقل و دانش کے یہ ماؤنٹ ایورسٹ گزشتہ رو ز اکٹھے ہوئے اور فیصلہ کیا کہ امریکہ معافی مانگے نہ مانگے، ڈرون حملے بند کرے نہ کرے، پاکستان کے خلاف امریکی ایوان نمائندگان کی کمیٹی میں منظور ہونے والا بل واپس لے نہ لے اور وطن عزیز میں دہشت گردی کی محفوظ پناہ گاہوں کا یکطرفہ منفی پروپیگنڈا بند کرے نہ کرے ہم نیٹو سپلائی کھول کر ان دوستوں کی خوشنودی حاصل کرنے میں ہرگز تاخیر نہ کریں گے کہ رسم دنیا بھی ہے موقع بھی ہے دستور بھی ہے۔
اصل میں قصور ہماری دانا بینا سول و فوجی قیادت کا نہیں گھامڑ امریکیوں نے کسی موقع پر بتایا ہی نہیں کہ نیٹو سپلائی کسی اکیلے ملک کا نہیں 48ممالک کا مسئلہ ہے ورنہ سوچ بچار کی ہوتی یہ تو بھلا ہو شکاگو کانفرنس کا جس میں شرکت کے لئے صدر آصف علی زرداری اور وزیراعظم یوسف رضا گیلانی نے تیاری شروع کی تو کسی نے بتایا کہ ابھی تک کانفرنس کا دعوت نامہ ہی نہیں ملا۔ نیٹو کے سیکرٹری جنرل راسموسین نے اعلان کیا کہ جب تک نیٹو سپلائی بحال نہیں ہوتی پاکستان کو مدعو نہیں کیا جائے گا۔ امریکی وزیرخارجہ ہیلری کلنٹن نے نئی دہلی آ کرالٹے سیدھے بیانات دے ڈالے۔ تو یہ عقدہ کھلا کہ امریکہ اور نیٹو دونوں مشکل میں ہیں ورنہ حکمرانوں کو مخصوص انداز ِ فکر کے دانشوروں، کالم نگاروں، تجزیہ نگاروں نے یہ باور کرا دیا تھا کہ ینٹو سپلائی خواہ سال دو سال بند رہے امریکہ اور اس کے اتحادیوں کو کوئی فرق نہیں پڑتا انہوں نے متبادل ذرائع سے سپلائی کا بندوبست کرلینا ہے اور پاکستان کی کسی کو پرواہ نہیں اس لئے وہ بھی منتخب حکومت کی دھاک، فوجی قیادت کی استقامت اور پارلیمینٹ کی خودمختاری کا سکہ جما کر اپنے کام دھندے میں مگن تھے انہیں جو کام آتا ہے کسی سے مخفی نہیں۔ ڈیوڈ کیمرون اور امریکی حکومت کے ایک پیامی نے بھی کچھ راز کھولے۔
نیٹو سپلائی کی بندش کے طفیل حکومت پاکستان کو نیٹو ممالک کی تعداد کا علم ہو گیا۔ شکاگو کانفرنس کا دعوت نامہ مل گیا اور اب شاید کولیشن سپورٹ فنڈ کے دو ارب ڈالر بھی مل جائیں جس کی منتخب جمہوری حکومت کو اشد ضرورت ہے اور دفاعی کمیٹی نے مطالبہ بھی یہی کیا ہے۔ اور یہ بیچاری نہ اگلا بجٹ پیش کرسکتی ہے جس میں سرکاری ملازمین کی تنخواہوں میں معقول اضافے اور دیگر مراعات کے ذریعے ووٹروں کو خوش کیا جائے گا نہ پٹرول کی قیمتیں کم کرسکتی ہے اور نہ لوڈشیڈنگ کا خاتمہ ممکن ہے تاکہ سندھ، پنجاب، خیبرپختونخوا اور بلوچستان کے ووٹر جب اس سال کے اواخر یا اگلے سال کے اوائل میں پولنگ سٹیشنوں کا رخ کریں تو انہیں سرکاری اداروں میں کسی میرٹ کے بغیر ملنے والی ملازمتوں، 24گھنٹے دستیاب بجلی، پٹرول کی کم قیمتیں اور پنشن و تنخواہوں میں اضافے کے سوا کچھ یاد نہ ہو۔ حکمرانوں کی کرپشن، لوٹ مار، نااہل، لوڈشیڈنگ، مہنگائی، بیروزگاری، بدانتظامی اور عدلیہ پارلیمینٹ جیسے قومی اداروں کو غیرموثر کرکے جمہوریت کو بدنام کرنے کی سعی ناکام و نامراد کچھ بھی نہیں۔ یہ ہماری جمہوریت، ہمارے الا ماشا اللہ عوام اور ان کی قسمت کے مالک سول و فوجی فیصلہ ساز۔ ہر شاخ پر الو بیٹھا ہے انجام گلستاں کیا ہوگا؟
اگربجٹ سرپر نہ ہوتا اور الیکشن کے امکانات معدوم تو نیٹو سپلائی مزید چار چھ ماہ بند رکھی جاسکتی تھی کہ یہ بھی طوالت اقتدار کا ایک حربہ تھا۔ قوم کو یہ باور کرانے کی کامیاب کوشش کی کہ صرف منتخب جمہوری حکومت ہی امریکہ کو آنکھیں دکھانے اور قومی مفادات کا تحفظ کرنے کا حوصلہ رکھتی ہے مگر دو ارب ڈالر کی بندش پر الٹی ہوگئیں سب تدبیریں کچھ نہ دوا نے کام کیا۔ اب نیٹو سپلائی کھلتی ہے تو معافی پر نہیں توجہ زر تلافی پر ہوگی جو نقد ادائیگی کی صورت میں کی جائے گی۔ شرط یہ رکھی گئی ہے کہ ہتھیاروں کی سپلائی پر پابندی رہے گی مگر یہ سب کہنے کی باتیں ہیں۔ قومی سلامتی کمیٹی کے سربراہ رضا ربانی، چودھری نثار علی خان، تحریک انصاف کے چیئرمین عمران خان، دفاع پاکستان کونسل کے رہنما سید منور حسن، مولانا سمیع الحق، حافظ محمد سعید اور جنرل حمیدگل چمن اور طورخم پر نیٹو کنٹینرز چیک کرنے سے تو رہے کہ ان میں اشیائے خورونوش لدی ہیں، قیمتی کتے اور شراب و کوکین یامہلک ہتھیار؟ جو افغانستان میں ہمارے کلمہ گو بھائیوں اور پاکستان میں ہمارے شہریوں کے خلاف استعمال ہوں گے۔
جس ملک میں سرکاری ادارے اور اہلکار کسی ایم پی اے، ایم این اے کے عزیز رشتہ دار کی گاڑی چیک نہیں کرسکتے اور پبلک اکاؤنٹس کمیٹی کے حکم پر سیکرٹری کابینہ ڈویژن نرگس سیٹھی جیسے اہم بااثر افراد سے سرکاری بلٹ پروف گاڑیاں واپس لینے کا حوصلہ نہیں رکھتیں وہاں کسی کی کیا مجال کہ وہ نیٹو سپلائی کی نگرانی اور جانچ پڑتال کرسکے۔ ریمنڈ ڈیوس کی نگرانی کرنے والے نوجوانوں کا حشر کسے یاد نہیں۔ سو ہماری حکمران اشرافیہ نے نیٹو سپلائی کھول کر امریکہ اور اس کے 48اتحادیوں کو اپنی نیک چلنی کا ثبوت دیا اور یہ باور کرایا ہے کہ ہمیں اب پتہ چلا آپ سب مشکل میں ہیں اور آپ کی مشکل، پریشانی انتخابات قریب ہونے کی وجہ سے ہمارے گلے کا طوق بن سکتی ہے۔ اس لئے گزشت آنچہ گزشت ہم غیر مشروط طور پر سپلائی بحال کر رہے ہیں سپر دم بتومایہ ٴ خویش را، تودانی حساب کم و بیش را۔
بظاہر پارلیمینٹ حکمرانوں کے ہاتھ کی چھڑی اور فوجی قیادت جیب کی گھڑی ہے عام تاثر یہی ہے کہ دفاع پاکستان کونسل کو یہ درشنی پہلوانوں کا انبوہ سمجھ کر خاطر میں نہیں لاتے۔ رہے میاں نواز شریف اور عمران خاں تو انہیں اپنی لڑائیوں سے فرصت نہیں اس لئے کوئی رکاوٹ نہیں البتہ دہشت گردی میں اضافے، ہنگامہ آرائی، نیٹو کنٹینرز جلنے اور” امریکہ کا جو یار ہے قوم کا غدار ہے“ کے نعرہ لگنے کا ڈر ہے مگر اس کی فکر کسی کو نہیں یہ قوم کا درد سر ہے حکمرانوں اور اشرافیہ کو دو ارب ڈالر سے غرض ہے تاکہ گلشن کا کاروبار چلتا رہے۔ پھر بھی؟ چلا تو؟ جو امریکہ کو منظور ہم آپ کیا کرسکتے ہیں۔